I ftohti polar godet Britaninë, anulohen fluturimet në disa aeroporte

Britania e Madhe po përballet këto ditë me temperatura ekstreme. Për shkak të reshjeve të borës dhe ngricave, një pjesë e fluturimeve në aeroporteve kryesore të vendit janë anuluar.

Reshjet e borës dhe temperaturat ekstreme kanë përfshirë Britaninë e Madhe. Në Londër temperatura shënonte minus 1 gradë. Ndërsa në disa zona të vendit termometri arriti mëngjesin e së hënës deri në minus 15 gradë. Për shkak të akullit dhe reshjeve të borës, një pjesë e autostradave në veri të vendit janë bllokuar.

Probleme serioze janë shkaktuar dhe në aeroportet kryesore të vendit. Fluturime janë shtyrë ose pezulluar përkohësisht edhe në dy aeroportet më të mëdha, Heathrow dhe Gatwic. Autoritetet njoftuan pezullimin e të gjitha fluturimeve në Stansted Airport, ku situata paraqitej më e keqe.

Përfaqësues të shërbimit ajror thanë se vonesat dhe shtyrja e fluturimeve është e pashmangshme, për shkak të akullit që ndodhet në pistat e fluturimit. Shtyrja e fluturimeve ka sjellë kaos në aeroporte duke bllokuar mijëra qytetarë në terminale.

Situatë kritike raportohet edhe në linjat hekurudhore. Autoritet njoftuan se për shkak të borës dhe ngricave, një pjesë e linjave hekurudhore kanë shtyrë disa orë nisjen e trenave.

Autoritet që mirëmbajnë autostradat kanë bërë paralajmërime për të shmangur lëvizjen e qytetarëve në zonat e rrezikshme.

Parashikimet meteorologjikë tregojnë një përkeqësim të motit përgjatë dy javëve të fundit.

LEXONI GJITHASHTU:

• Luhatje temperaturash dhe reshje, parashikimi i motit për javën
• Moti i keq | Lumi Ishëm del nga shtrati, disa fshatra nën ‘pushtetin’ e ujit