Moti i keq | Lumi Ishëm del nga shtrati, disa fshatra nën ‘pushtetin’ e ujit

Moti i keq ka sjellë sërish problematika në qarkun e Durrësit.

Gazetarja e Euronews Albania, Kloida Gjuzi raporton se si pasojë e reshjeve të shumta, lumi Ishëm ka dalë nga shtrati, duke bërë që disa fshatra në Krujë të ndodhen nën ‘pushtetin’ e ujit.

Ndëkohë, edhe disa segmente rrugore në Durrës janë përmbytur.

“Reshjet e shiut vijojnë në fakt në të gjithë qarkun e Durrësit, paçka se ka rënë intensiteti i tyre. Gjatë mbrëmjes që lamë pas, ka pasur problematika në të gjithë qarkun, përsa i takon segmenteve rrugore që kanë qenë nën pushtetin e ujit, lagjia nr.18, rruga “Adria”, si dhe segmente të tjera rrugore dytësore të zonës së plazhit.

Ndryshe paraqitet situata në qytetin e Krujës, specifikisht në fshatrat e kësaj bashkie, pasi lumi Ishëm ka dalë nga shtrati gjatë paradites së sotme, në pjesën fundore të tij. Për pasojë, janë disa fshatra të cilat janë nën pushtetin e ujit, paçka se nuk raportohet për prezencë të ujit në banesa. Bëhet fjalë për fshatin Murqinë, Mallkuç dhe Bilaj”, raportoi ndër të tjera Gjuzi.

LEXONI GJITHASHTU

• Përkeqësim i motit/ Drejtoria e Përgjithshme Detare njoftim të rëndësishëm
• A rrezikojmë sërish përmbytje? Parashikimi i motit
• Peleshi për përmbytjet: Situata drejt përmirësimit në Shkodër dhe Lezhë