Peleshi për përmbytjet: Situata drejt përmirësimit në Shkodër dhe Lezhë

Ministri i Mbrojtjes, Niko Peleshi deklaroi se përmbytjet vijojnë të mbeten problematike në qarqet Shkodër dhe Lezhë, por theksoi se situata është drejt përmirësimit.

Në një deklaratë për mediat pas mbledhjes së qeverisë, Peleshi u shpreh se po monitorohet situata në jug, pasi në këtë zonë, pritet të ketë reshje shiu me intensitet të lartë.

“Kanë vazhduar reshjet, ndonëse jo me intensitetin e para 2-3 ditëve, me një intensitet mesatar në pjesën veriore. Kjo ka bërë që problematika e përmbytjeve të jetë ende prezente, ndonëse uji është tërhequr dhe pothuajse 3/4 e sipërfaqes është liruar, por vazhdojmë të kemi akoma sipërfaqe nën ujë. Dy qarqet më të prekura, Shkodra dhe Lezha. Në Bashkinë e Shkodrës janë evakuuar 22 familje me 83 persona.

Nuk ka asnjë banesë me prezencë uji. Sipërfaqja e përmbytur është 1,305 hektarë, por uji vazhdon të largohet. Në Bashkinë e Lezhës ka 4 banesa me prezencë uji dhe një sipërfaqe të përmbytur rreth 1,300 hektarë. Po monitorojmë situatën edhe në jug, në Lumin Vjosë. Kemi një zhvendosje drejt jugut të reshjeve me instensitet. Pritet të ketë prurje të larta në Shushicë dhe Lumin e Drinos”, theksoi ai.

LEXONI GJITHASHTU

• Akset me rrëshqitje dherash në Shkodër, Angoni tregon situatën me përmbytjet

• SKEMA e abuzimeve për inceneratorin e Fierit, roli i Alqi Bllakos
• Situata e përmbytjeve në Shkodër, gazetari: Çdo gjë po shkon drejt normalitetit