Situata e përmbytjeve në Shkodër, gazetari: Çdo gjë po shkon drejt normalitetit

Shkodra ka qenë një nga qytetet më të prekura nga reshjet intensive që kanë përfshirë vendin që prej disa ditësh.

Ndërkohë gazetari i Euronews Albania, bën me dije se mëngjesin e ditës së sotme ka pasur një reduktim të reshjeve të shiut dhe një tërheqje të ujit që kishte përmbytur mijëra hektarë tokë.

Aktualisht nuk ka asnjë shtëpi me prani uji ndërsa mësohet se banorët që kanë qenë të evakuuar po kthehen në shtëpitë e tyre, shkruan BBC.

Në kaskadën e lumit Drin ka pasur një rritje të prurjeve, por shkarkimet kanë qenë me kuota minimale dhe nuk kanë ndikuar në përkeqësim të situatës apo rikthimin e ujit në zonat që më parë kanë qenë të përmbytura.

Temperaturat në Shkodër janë të ulëta ndërsa në zonat e thella malore ka pasur reshje dëbore.

LEXONI GJITHASHTU: 

• Pse hapen portat e HEC-eve? Përgjigjet drejtori i KESH
• Energji përmes wireless, projekti i Agjencisë Hapësinore Europiane