Pse hapen portat e HEC-eve? Përgjigjet drejtori i KESH

Drejtori i KESH, Ergys Verdho tregoi në një intervistë për Euronews Albania se përse duhen hapur portat e HEC-eve.

Ai tregoi se vendimet merren përmes komisioneve dhe sekretariateve të posaçme në mënyrë që asnjë metër ujë kub të mos ikë dëm.

“Sot që po flasim, nga e hëna e kaluar agregatet janë të ndezura 24 orë, pra agregatet e Komanit dhe Vaut të Dejës që janë 4 në Koman dhe 5 në Vaun e Dejës me një prodhim maksimal. Kemi ndaluar Fierzën për shkak se duhet të ulim kuotat e liqenit të Komanit dhe Fierzës për të absorbuar gjithë sasinë e nevojshme që do të vinte gjatë eventit dhe maksimalisht sot po prodhojmë dhe po eksportojmë,” – sqaroi Verdho.

Ai shtoi gjithashtu se aktualisht Shqipëria ka surpluse dhe në rajon surpluset përkthehen në kërkesë të pakët dhe në prodhim të shumtë.

LEXONI GJITHASHTU:

• Përmbytjet në Shkodër, Rama bën krahasimin me vitin 2010: Faktet flasin qartë
• Përmbyset kamioni, bllokohet rruga Memaliaj-Krahës