Luhatje temperaturash dhe reshje, parashikimi i motit për javën

Java në vijim pritet të karakterizohet nga luhatje të mëdha temperaturash me mot të paqëndrueshëm.

Meteorologu i Meteolab Hakil Osmani tha në emisionin “Good Morning Albanians” në Euronews Albania, se java nis me ulje temperaturash me vlera tipike të dhjetorit, që shkojnë në -2 -3 në orët e para të mëngjesit në zonat malore, ku priten edhe reshje dëbore.

Duke filluar nga e enjtja dhe në vijim, temperaturat do të rriten me vlera maksimale që shkojnë deri në 20 gradë në zonat e ulëta. Vranësirat e pranishme do të sjellin reshje shiu, përgjithësisht në pjesën e dytë të ditës.

Të martën, të enjten dhe premten vendi do jetë në dominimin e motit të qëndrueshëm, por vranësirat do të jenë të pranishme.

LEXONI GJITHASHTU:

• Përmirësohet situata nga përmbytjet, MM: S’ka rrezik për zonat e banuara
• Rikthehet frika e përmbytjeve, 400 ha tokë nën ujë nga reshjet në qarkun e Shkodrës