I gjenden 2,4 kilogram kanabis në banesë, arrestohet 48-vjeçari në Gjirokastër

Policia e Gjirokastrës ka arrestuar një 48-vjeçar pasi i është gjetur në banesë një sasi prej 2.4 kilogramë lëndë narkotike kanabis sativa të cilën e mbante me qëllim shitjen.

Në kuadër të operacionin antidrogë të koduar “Tempulli”, është vënë në pranga shtetasi V. B., 48 vjeç, banues në fshatin Lulëzim, Krahës.

Gjatë kontrollit në banesën e shtetasit V. B., shërbimet e Policisë gjetën dhe sekuestruan 2.4 kilogramë lëndë narkotike cannabis sativa, të cilën dyshohet se ai e posedonte me qëllim shitjen në qytetin e Memaliajt.

Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Shisnin kanabis në Tiranë, arrestohet një shtetas, procedohen 2 të tjerë
• Iu gjet kanabis me vlerë 800 mijë $ në aeroport, arrestohet ish-lojtari i Arsenal