I hapi profile false në rrjetet sociale dhe e përndiqte, në pranga 45-vjeçari

Një 45-vjeçar është arrestuar në Tiranë pasi i hapte profile false një 23-vjeçarje, me përmbajtje denigruese, dhe duke i sjellë shqetësim asaj dhe familjarëve.

Policia bën me dije se arrestimi i shtetasit G.G, pas kallëzimit të bërë nga një 23-vjeçare, se një shtetas i kishte hapur profile false në rrjete sociale, me përmbajtje denigruese, dhe e përndiqte atë online për një kohë të gjatë, duke i sjellë shqetësime asaj dhe familjarëve, menjëherë organizuan punën për identifikimin dhe kapjen e autorit.

“Nga verifikimet e kryera nga specialistët e Sektorit për Hetimin e Krimeve Kibernetike, ka rezultuar se ky shtetas, duke i hapur profile false, me përmbajtje denigruese, 23-vjeçares, në rrjetet sociale, e ka përndjekur atë online për një kohë të gjatë, duke i sjellë shqetësim asaj dhe familjarëve”-njofton policia.

Materialet procedurale për këtë rast i kaluan Prokurorisë, për veprime të mëtejshme.

LEXONI GJITHASHTU: 

• Vuçic për shpërthimin në Veri: Shpresoj që amerikanët të mos qëndrojnë pas kësaj
• Mediat: Pengjet e përdhunuar të mbajtur nga Hamasi mund të kthehen shtatzënë