I kërkoi autorizimin për xhamat e errët, qytetari tenton të korruptojë policin

Një qytetar me inicialet E.K., është ndaluar nga policia rrugore në Tiranë në “Rrugën e Kosovarëve”, pasi udhëtonte me makinë me xhama të errët.

Polici i ka kërkuar drejtuesit të mjetit t’i tregojë autorizimin për xhamat e errësuar, ndërsa ky i fundit, duke qenë se një autorizim të tillë nuk e kishte, kërkoi t’i shmangej masës administrative duke i ofruar para policit.

Për këtë rast u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Korrupsioni aktiv i personave që ushtrojnë funksione publike”.

Njoftimi i policisë

Shkon në 68 numri i drejtuesve të automjeteve, të cilët kanë tentuar të korruptojnë punonjësit e Policisë, me qëllim shmangien e detyrimeve ligjore apo të masave administrative.

Gjatë kontrolleve parandaluese, shërbimet e Komisariatit të Policisë Rrugore kanë ndaluar në Rrugën e Kosovarëve, automjetin me xhama të errësuar, me drejtues shtetasin E. K. Në momentin që punonjësit e Policisë i kanë kërkuar autorizimin për xhamat e errësuar, shtetasit E. K., ai ka tentuar t’i korruptojë ata, duke iu ofruar një shumë parash, me qëllim shmangien e masës administrative, sepse xhamat e zinj të automjetit i kishte vënë pa autorizimin përkatës.

Në vijim të veprimeve, u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Korrupsioni aktiv i personave që ushtrojnë funksione publike”.

LEXONI GJITHASHTU:

• EMRAT| Tentuan t’i zhvasnin 35 mijë euro biznesmenit, kush janë 3 mashtruesit
• Kritiku i Kremlinit në pritje të vendimit për akuzat e lidhura me ekstremizëm