I marrin biznesmenit 6 mijë €, u prezantuan si përfaqësues të një funksionari vendor

Policia e Tiranës ka arrestuar një person dhe ka shpallur në kërkim një tjetër, pasi me anë të mashtrimit në mjetet e komunikimit, i janë prezantuar një biznesmeni si përfaqësues  të një funksionari të një institucioni vendor dhe kanë përfituar një shumë prej 6 mijë eurosh.

Përmes noperacionit të koduar “Unknown”, të zhvilluar nga Komisariati Nr. 6, policia ka publikuar me pamje momentet kur dorëzohet shuma e parave.

“Shtetasit e identifikuar janë Ervis Belollari, 26 vjeç, i cili është arrestuar, dhe Arsen Matollari, 32 vjeç, i cili është shpallur në kërkim. Të dy dyshohet se në bashkëpunim me njëri-tjetrin kanë përfituar 6 mijë euro nga biznesmeni, duke iu paraqitur si përfaqësues të drejtuesit të një institucioni vendor”, thuhet në njoftimin ne policisë.

Vijon puna për kapjen e 32-vjeçarit Arsen Matollari, dhe për dokumentimin e plotë të rastit ndërsa materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Mashtrimi me mikrokreditë, GJKKO lë në burg Arben Meskutin
• Mashtronin të huajt për të investuar në bursa fiktive, arrestohen 6 persona