I mbijetoi coronavirusit, mësuesi britanik nga Kina rrëfen si u prek nga virusi vrasës

Shumë nga ne ndihen të fiksuar nga coronavirus, kjo për faktin se është një virus krejtësisht i ri dhe ndryshe nga një virozat e tjera, me të cilat jemi mësuar tashmë, ky virus ngjall një ndjesi paniku. Por cilat janë me të vërtetë simptomat e COVID-19, thënë nga njerëz të cilët e kanë kaluar vet dhe janë shëruar prej tij? Euronews Albania do të sjellë për ju një intervistë me Conner Reed, mësuesi nga Kina i cili e ka përjetuar vet se çfarë do të thotë të kesh coronavirus.

Rrëfimi i plotë i mësuesit britanik

Simptomat erdhën me faza. Në fazën time të parë kisha ftohje, dhe pas ftohjes u bëra më mirë dhe pata grip. Pas gripit u bëra sërish më mirë, këtu përparoi në një pneumoni.

Isha i sëmurë për rreth një muaj që nga nisja e deri në fund. Me infeksionin, pasi shumë njerëz kanë një ftohje, nuk ka shkak për alarm, dhe dalin jashtë duke infektuar shumë të tjerë pa e kuptuar.

Kur u paraqita në spital më 5 dhjetor, gjatë asaj periudhe… pasi spitalet në Kinë janë shumë efikase… bëra të gjitha testet më datë 5, dhe më datë 6 shkova për të marrë rezultatet. Me datë 6 më thanë se kisha një tip të ri infeksioni dhe se ata nuk ishin ende të sigurt se për çfarë bëhej fjalë.

Thjesht qëndrova i shtrirë dhe pushova. Në asnjë pikë nuk mendoja se ishte kërcënuese për jetën, përveçse një faze pneumonie. Kjo ishte koha kur unë u paraqita në spital pasi u kthye në diçka tepër serioze.

Është një rast që padyshim i prek njerëz të ndryshëm, në mënyra të ndryshme. Ndikon tek të moshuarit dhe njerëzit me probleme shëndetësore me rëndë sesa mua.

Unë jam në Wuhan, që ndodhet në provincën e Hubei. Provinca në tërësi është në izolim, asnjë nuk mund të largohet, asnjë nuk mund të hyjë. Qyteti është akoma më i izoluar, aty kemi kontrolle të vazhdueshme, nuk mund të shkojmë në dyqane. Është shumë serioze në fakt, janë vendosur logjistika që furnizojnë njerëzit me ushqime, me gjëra të cilat u nevojiten atyre për të mbijetuar.

Qeveria qendrore nuk kishte dijeni për një kohë të gjatë, ishte qeveria lokale ajo që ishte në dijeni dhe e mbajti të fshehtë nga qeveria qendrore.

Mënyra se si funksionon kjo është se ke qeveri kombëtare dhe ke provinca. Çdo provincë ka qeverinë e saj lokale dhe nga qeveria lokale ke guvernatorë. Guvernatori i Wuhan dhe ai i Hubei janë hequr nga pozicioni i tyre për mbajtjen fshehtë të këtij informacioni.

Kur qeveria qendrore u vu në dijeni të kësaj situate, kuptuan shkallën e gjendjes, dhe ishin mjaft të shpejtë në veprimin e planit të tyre.