I mori 108 mijë euro një shtetaseje përmes mashtrimit, arrestohet punonjësi i bankës

Ish-punonjësi i një banke të nivelit të dytë është arrestuar nga policia me akuzën e Falsifikimi i vulave, i stampave ose i formularëve”, “Mashtrimi” me pasoja të rënda, dhe “Shpërdorimi i detyrës”.

Në pranga u vu shtetasi Klevis Berberi, 32 vjeç, banues në Tiranë. Ky shtetas sipas policisë, nëpërmjet mashtrimit, duke shpërdoruar detyrën, i ka marrë shumën prej 108 000 euro shtetases F. M., 54 vjeçe, duke falsifikuar deklaratën noteriale të bankës me qëllim përvetësimin e kësaj shume dhe të pronës që do të blihej nga ajo.

“Pasi është nënshkruar akti notarial për blerjen e pronës, shtetasja F. M., duhet të ishte pronare e vetme e kësaj prone, ndërkohë që shtetasi K. B., ka shitur pronën që ka qenë e vendosur kolateral për llogari të një banke të nivelit të dytë”, bëri me dije policia.