I përfshirë dhe nipi i Enver Hoxhës, Gjykata e Lartë jep vendimin për “Xibrakën”

Gjykata e Lartë ka lënë në fuqi dënimin me 70 vite burg në total me gjykim të shkurtuar, për të dënuarit e dosjes Xibraka.

Në Dhomë Këshillimi Gjykata e Lartë ka rrëzuar rekursin e paraqitur mbi vendimin e ish-gjykatës të Apelit për Krime të Rënda në vitin 2017.

6 vite më parë, apeli dënoi me nga 6 vite e 8 muaj burg deri në 8 vite Ermal Hoxhën, Ilir Hysenin, Genci Xhixhën, Gentian Gjonajn, Kelmend e Arjan Dalipin dhe Saimir Batkun. Me nga 8 vite burg u dënuan në atë kohë edhe dy kolumbianët, Cesar Avila e Valther Moreno, kimistë të cilët kishin mbërritur në shqipëri për të përzjerë kokainën. Ata u shpallën fajtor për trafik narkotikësh në kuadër të grupit të strukturuar kriminal.

Shumica prej tyre kanë lënë tashmë qelinë ndërsa disa të tjerë u dënuan në mungësë.

Grupi i drogës “Xibraka” u zbulua në fillim të janarit të vitit 2015, ku u sekuestrua 100 kg kokainë në një magazinë në fshatin Xibrakë 10 km larg qytetit të Elbasanit. Hetimet nisën pas informacionit të përcjellë nga autoritetet gjermane.

LEXONI GJITHASHTU:

• “Do raportoj bisedat”-Gazetari zbardh prapaskenat e takimit Rama-Dumani: Ja ç’ndodhi
• SPAK në krye të listës së institucioneve më të besueshme, Karamuço: Efekti ‘Dumani’