I riu kryen marrëdhënie me 12-vjeçaren, arrestohet. E mitura: Kemi 2 vite lidhje

Një 29-vjeçarë nga fshati Vërdovë i Pogradecit është arrestuar nga policia për kryerjen e marrëdhënieve seksuale me të mitur.

Bëhte me dije se në prani të psikologes dhe familjarëve vajza 12-vjeçe ka pranuar se është në një lidhje 2-vjeçare me të riun, e cila e bën edhe më flagrant rastin.

Policia bën me dije se po vijon hetime për zbardhjen e plotë të ngjarjes si dhe ka referuar materialet në prokurori.

“Specialistët për Hetimin e Krimeve të Komisariatit të Policisë Pogradec ndaluan me iniciativë shtetasin K. T., 29 vjeç, banues në fshatin Vërdovë, Pogradec, pasi dyshohet se ka kryer marrëdhënie seksuale me një të mitur 12-vjeçare, e cila në prani të prindërve të saj dhe psikologëve ka deklaruar se ka një lidhje 2-vjeçare me shtetasin K. T.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë.

LEXONI GJITHASHTU:

• Vdekja e Bedrie Lokës, i vëllai: E vrau bashkëshorti, çfarë më tha në shtator
• Dyshohet se shtyu gruan drejt vetëvrasjes, kush është Xhemal Loka (FOTO)