I shoqi përfitoi si investitor strategjik, avokati i PD: Xhaçkës t’i hiqet imuniteti

Gjykata Kushtetuese pritet të vendosë brenda një afati kohor prej 30 ditësh, lidhur me kërkesën e një grupi deputetësh të Partisë Demokratike për heqjen e mandatit të deputetes Olta Xhaçka, njëherësh dhe ministre e Jashtme.

Sipas demokratëve, ministrja është në konflikt të hapur interesi. Bëhet fjalë për bashkëshortin e Xhaçkës, i cili është shpallur investitor strategjik në një resort që po ndërtohet në jug të vendit.

Franc Nuri avokat i Partisë Demokratike tha në një intervistë për Euronews Albania se bashkëshorti i ministres Xhacka ka përfituar lehtësime nga shteti si investitor strategjik, çka përbën konflikt të hapur interesi me bashkëshorten e tij ministre.

“Vetë statusi investitor strategjik parashikon një listë të tërë avantazhesh, p.sh nëse toka është arë ku nuk punohet dot, shteti merr përsipër t’i japë statusin truall duke ja rritur disa fish vlerën. Janë një sërë avantazhesh kur je investitor strategjik që mundësohen nga shteti. Duke marrë statusin e investitorit strategjik, ke avantazhe në marrjen e lejeve dhe licencave, që përfitohen në kohë rekord me tarifa të reduktuara”, tha avokati.

LEXONI GJITHASHTU:

• Xhaçka reagon ndaj deklaratave të ministrit britanik kundër shqiptarëve
• A do t’i hiqet mandati Xhaçkës? Gjykata Kushtetuese diskuton sot kërkesën e PD