Një 26-vjeçar i shpallur në kërkim në kuadër të megaoperacionit “Tempulli”, është arrestuar këtë të martë nga policia e Tiranës. Me arrestimin e tij numri i personave të ndaluar në kryeqytet në lidhje me këtë operacion shkon në 95.
26 vjeçari banues në Tiranë, është lokalizuar në Rrugën e Kavajës, ku është kapur dhe ndaluar nga efektivët e policisë.
Gjykata e Shkallës së Parë e Juridiksionit të Përgjithshëm Tiranë i ka caktuar këtij shtetasi masën e sigurisë “Arrest në burg”, për veprën penale “Prodhimi dhe shitja e narkotikëve”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Kujtojmë se më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike kanabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.
LEXONI GJITHASHTU:
- “Tempulli na bën krenar”, Balla: Vlerësim Prokurorëve dhe Gjyqtarëve
- Korçë| 12 të arrestuarit e “Tempullit” ngelen në burg
- Gjykata e Vlorës lë në burg 13 të arrestuar nga megaoperacioni “Tempulli”