I shpallur në kërkim pasi theu masën e arrestit në shtëpi, arrestohet 42-vjeçari

Një 42 vjeçar i cili ishte shpallur në kërkim kombëtar pasi kishte thyer masën e sigurisë “arrest në shtëpi” është arrestuar në Fier.

Ai ishte dënuar më herët për falsifikim monedhash.

Materialet procedurale i kaluan Prokurorisë për veprime të mëtejshme.

Njoftimi i policisë:

Në vijim të kontrolleve për kapjen e shtetasve të shpallur në kërkim, bazuar në informacionet e siguruara nga inteligjenca policore shërbimet e Komisariatit të Policisë Fier, kanë  kapur dhe ndaluar shtetasin M. Ç., 42 vjeç, banues në Fier.

Ky shtetas ishte me masë sigurie “Arrest në shtëpi”, për veprën penale  “Falsifikim i monedhave”, por kishte thyer masën e sigurisë dhe ishte shpallur në kërkim.

Gjykata e Fierit ka vendosur për këtë shtetas masën e sigurisë “Arrest me burg”, për veprën penale “Largimi i të burgosurit nga vendi i qëndrimit”.

Në vijim të veprimeve procedurale, Specialistët për Hetimin e Krimeve Ekonomike-Financiare ndaluan shtetasin M. Ç.

LEXONI GJITHASHTU:

• Gjoba deri në 40 mijë euro, Mali i Zi nga sot ndalon përdorimin e qeseve plastike
• Ushtria ukrainase lëshon dronë drejt Moskës dhe fabrikës ruse të armëve