I shpallur në kërkim për vrasje në tentativë, arrestohet 41-vjeçari

Policia në Tiranë ka arrestuar këtë të shtunë një 41-vjeçar, pasi ishte shpallur në kërkim për veprën penale “vrasje e mbetur në tentativë”.

Gjatë kontrolleve, në rrugën “Tre Dëshmorët”, u kap shtetasi M. Q., 41 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, i ka caktuar masën e sigurimit personal “Arrest në burg”, për veprat penale “Vrasja me dashje” mbetur në tentativë dhe “Prodhimi dhe mbajtja pa leje e armëve të ftohta”.

Ky shtetas, më datë 19.09.2024, në zonën e Yzberishtit, pas një konflikti për motive të dobëta, ka goditur disa herë me mjet prerës (thikë) shtetasin E. D.

Materialet i kaluan Prokurorisë.

LEXONI GJITHASHTU:

• Gjirokastër| Mjeti i policisë përplaset me një tjetër, lëndohen drejtuesit
• Dogjën dy makinave kundrejt pagesës, arrestohen 2 vëllezërit. Në kërkim porositësi