I shpallur në kërkim për vrasje të mbetur në tentativë, arrestohet 31-vjeçari

31-vjeçari S. E, i cili ishte shpallur në kërkim për vrasje të mbetur në tentativë është arrestuar ditën e sotme në Durrës.

Policia bën me dije e se në kuadër të operacionit të koduar  “Viaggo”, u bë e mundur kapja e 31-vjeçarit, i cili po tentonte të hynte në Shqipëri, nëpërmjet Portit të Durrësit.

“Bazuar në këto infomacione dhe në kuadër të kontrolleve të detajuara për parandalimin dhe goditjen e paligjshmërisë, si dhe për kapjen e personave në kërkim, shërbimet e Policisë Kufitare kanë ushtruar kontrolle të detajuara dhe falë intervistimeve të thelluara, bazuar dhe në informacionet e siguruara më parë nga DVP Tiranë, në kuadër të operacionit policor të koduar “Viaggo”, u bë i mundur identifikimi, kapja dhe arrestimi në hyrje, në Portin e Durrësit, i shtetasit S. E., 31 vjeç, banues në Tiranë.”- njofton policia.

31-vjeçari ishte shpallur në kërkim pasi Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, kryer në bashkëpunim, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.

Në muajin prill 2019, në rrugën “Lisi”, në Fushë-Mëzez, shtetasi S. E., në bashkëpunim me persona të tjerë, ka qëlluar me armë zjarri ndaj shtetasve D. H. dhe Z. Q.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

LEXONI GJITHASHTU: 

• Escobar: Normalizimi i raporteve Kosovë-Serbi kyç për stabilitetin e rajonit
• Tërmeti në Turqi, 184 pronarë dhe kontraktorë ndërtimi janë arrestuar