I shpërtheu bombola teksa gatuante, përfshihet nga flakët banesa e të moshuarës

Një apartament në katin e 5 të një pallati në qytetin e Ersekës është përfshirë nga flakët këtë të hënë.

Etemije Saliu, një e moshuar banore e qytetit të Ersekës ka qenë duke gatuar duke përdorur një bombol gazi kur papritur kjo e fundit ka shpërthyer në flakë, duke rrezikuar edhe jetën e të moshuarës, e cila për fatin e mirë ka dalë jashtë në kohën e duhur.

Kanë qenë fqinjët ata që kanë lajmëruar shërbimin zjarrfikës që ka ardhur në kohën e duhur duke bërë të mundur shuarjen e flakëve që janë përhapur me shpejtësi në dhomën ku ndodhej bombola e gazit që përdorej për gatim nga e moshuara.

LEXONI GJITHASHTU:

• Pogradec| Përfshihet nga flakët salla e lojërave kompjuterike, dyshimet e para
• Përfshihet nga flakët apartamenti në Fier