“I thirrën djalin në SPAK”, Balla: Ja pse Berisha tensionoi situatën në Kuvend

Kreu i Grupit Parlamentar i PS-së Taulant Balla deklaratë për mediat pas përfundimit të seancës plenare që u zhvillua ditën e sotme në Kuvend ku pati dhe debate.

Balla tha se Kreu i PD-së Sali Berisha e tensionua pasi pak më parë i thirrën djalin Shkëlzen Berisha në SPAK.

Ai tha se do bëjnë kërkesë që të merren masa të larta disiplinore për ata që pengojnë zhvillimin normal të seancave plenare.

“Së pari situata sot e krijuar e Kuvendit lidhet me një çështje tjetër, atë të thirrjes nga SPAK të Shkëlzen Berisha. U gjendëm para shkeljeve të rënda të rregullores së Kuvendit nga Berisha dhe deputetë të tjerë. Duhet që sekretariati për rregulloren dhe procedurat të mblidhet urgjentisht dhe të shqyrtojë kërkesën që ne do të depozitojmë për marrjen e një mase më të lartë disiplinore të të gjithë deputetëve që pengojnë zhvillimin  normal të seancës së Kuvendit. Seanca e sotshme ishte e rëndësishme, për pakon e madhe të mbështetjes. Seanca u bllokua se ata duan të heqin vëmendjen nga 21 janari”- tha ai.

LEXONI GJITHASHTU: 

• “Nuk e njoh”- Berisha flet për Agron Nezën dhe thirrjen e Shkëlzenit në SPAK
• “Çfarë do kërkojmë nga SHBA”, Berisha: McGonigal, vrasës me pagesë i opozitës