I vodhi telefonin turistit italian, arrestohet 33-vjeçari në Përmet

Një 33- vjeçar nga fshati Malshovë i Përmetit është arrestuar nga policia pasi i vodhi telefonin celular një turisti italian.

Shtetasi italian kishte shkuar të vizitonte vendin e quajtur si “Banjat e Bënjës” në Përmet, kur ai ra pre e vjedhjes së telefonit nga i riu shqiptar.

Shërbimet e Komisariatit të Policisë Përmet, menjëherë pas marrjes së kallëzimit bënë të mundur identifikimin dhe kapjen e autorit.

Materialet procedurale i kaluan Prokurorisë pranë Gjykatës së Shkallës së parë të Juridiksionit të Përgjithshëm Gjirokastër, për veprime të mëtejshme, për veprën penale “Vjedhja”.

“Si rezultat i veprimeve të shpejta hetimore dhe procedurale nga Policia, është identifikuar, kapur dhe arrestuar autori i dyshuar i vjedhjes së celularit të 23-vjeçarit italian, shtetasi: E. Q., 33 vjeç, banues në fshatin Malshovë, Përmet”, njofton policia.

LEXONI GJITHASHTU:

• “Ma vranë para syve”, flet vëllai i 23-vjeçarit shqiptar që u vra në Itali
• I dënuar me 25 vite burg në Peru, arrestohet në Morinë 58-vjeçari (Emri)