Identifikohen viktimat, kush janë të afërmit që u vranë me armë zjarri në Kurjan

Janë identifikuar viktimat e ngjarjes së rëndë të ndodhur në Kurjan të Fierit, ku u ekzekutuan me armë zjarri 2 shtetas. Burime bëjën me dije se Vladimir Kurtaj dhe Gramos Kurtaj, xhaxha e nip mbetën të vdekur në vend pasi u qëlluan nga bashkëfshatari i tyre Altin Kuka.

Dyshohet se konflikti mes autorit dhe dy vëllezërve ka ndodhur pas një debati për motive të dobëta mes djalit të autorit dhe viktimave.

Pas ngjarjes së rëndë autori është vetëdorëzuar në polici bashkë me armën e krimit.

Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje.

“Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.

Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.

Gjithashtu, shërbimet e Policisë kanë sekuestruar armën e dyshuar të krimit (armë zjarri automatike)”, njofton policia.

LEXONI GJITHASHTU:

• Të shtëna me armë zjarri në Shkodër, raportohet për 1 viktimë
• Kush është viktima e atentatit në Shkodër, ngjarja e bujshme që u përfshi në Rumani