Kush është viktima e atentatit në Shkodër, ngjarja e bujshme që u përfshi në Rumani

Një ngajrje e rëndë tronditi qytetin e Shkodrës mesditën e kësaj të premteje, ku të shtëna me armë u regjistruan në lagjen Zdrale të qytetit verior.

Viktima është identifikuar si shtetasi  Elis Roshkodoli, 36-vjeç. Ai u qëllua në ambientet e një lokali në rrugën “Isuf Sokoli” nga një person i paidentifikuar.

36-vjeçari është një person me precedent të mëparshëm penal. Më datë 22 prill të vitit 2023 ai ka plagosur me thikë pronarin e një lokali në Bukuresht të Rumanisë.

Roshkodoli e ndoqi biznesmenin rumun rrugës kur ai po kthehej në banesë dhe e goditi me mjet prerës në një pritë. Biznesmeni Jean Sasu, u transportua në spital ku mundi t’i mbijetonte plagëve të marra.

Sipas policisë rumune agresori ishte identifikuar si i riu shqiptar Elis Roshkodoli i cili ishte larguar menjëherë pas ngjarjes përmes aeroportit të Bukureshtit drejt Stambollit.

Gjithashtu 36-vjeçari rezulton i akuzuar nga autoritetet belge për përfshirje në një grup të rrezikshëm kriminal që merrej me grabitje.

Ndërkohë nga veprimet paraprake në vendin e ngjarjes, grupi hetimor në Shkodër ka gjetur në çantën e dorës të 36-vjeçarit, 1 armë zjarri pistoletë me fishekë në fole gati për qitje.

Policia ka ngritur kontrolle në të gjithë zonën për të bërë të mundur kapjen e autorit ose autorëve.

LEXONI GJITHASHTU:

• Të shtëna me armë zjarri në Shkodër, raportohet për 1 viktimë
• Arrestohet në Memaliaj vrasësi i Edmond Papës, në pranga dhe Adriatik Kalemi