Identifikohet 40-vjeçari që qëlloi me armë dje në Vlorë

Policia e Vlorës ka identifikuar dhe ka shpallur në kërkim 40-vjeçarin që qëlloi një ditë më parë me armë zjarri në zonën e “Ujit të Ftohtë”.

Në kërkim është Eurel Liçaj, i cili dyshohet se pas një konflikti të çastit, për motive të dobëta, ka qëlluar me armë zjarri në ajër, me qëllim kanosjen e shtetases A. D., 58 vjeçe.

Shkak për përplasjen me armë dyshohet se ka qenë hapësira e shfrytëzuar për plazhe private.

Në vendngjarje, është arrestuar vetëm një i dyshuar, si i afërm me personin që ka qëlluar me armë.

Fatmirësisht, nga kjo ngjarje nuk ka persona të dëmtuar.

Në vendngjarje është sekuestruar një armë zjarri pistoletë, një krehër dhe një gëzhojë.

LEXONI GJITHASHTU:

• Të shtëna me armë në Vlorë, policia në ndjekje të autorit