Identifikohet urdhëruesi i vrasjes së Behar Sofisë

SPAK ka firmosur një tjetër urdhër arrest për një tjetër të dyshuar për vrasjen e Behar Sofisë, 1 vit më parë në Tiranë. Jemin Sheraj dyshohet si urdhërues i krimit të rëndë.

Sheraj është shpallur në kërkim nga policia që ende nuk ka rënë në gjurmët e tij.

I dyshuari shfaqet në kamerat e sigurisë në një tavolinë me të arrestuarin tjetër Skënder Vathi.

Vrasja e Behar Sofisë u zbulua pasi autori dyshuar Ernejt Shyti hoqi rrobat që përdori në vrasje dhe i fshehu në afërsi të liqenit.

Pasi u arrestua në Mal të Zi Shyti vendosi të bashkëpunojë me drejtësinë.

“Në orën 08:38 shtetasi Jemin Sheraj duket se i jep diçka në dukje letër shtetasit të dyshuar Skënder Vathi i cili largohet nga lokali. Është bërë paraqitja për njohje nga ana e shtetasit Ernejt Shyti të personave që ai njeh me emrin “Daja” dhe personi i cili i ka dhënë foton e viktimës. Gjatë zhvillimit të paraqitjes për njohje ky shtetas ka njohur menjëherë shtetasit Leonardo Xhixha si personi me të cilin ka komunikuar në telefon dhe i ka dhënë foton e viktimës, si dhe shtetasin Skënder Vathi të njohur si “Daja” i cili ka qenë i angazhuar me vëzhgimin e viktimës”, lexohet në dosjen e vrasjes së ndodhur pranë Urës së Lanës, në Rrugën e Elbasanit 1 vit më parë, të siguruar nga Euronews Albania.

LEXONI GJITHASHTU:

• Momenti pak para vrasjes së Behar Sofisë, autori i dyshuar çalon për t’u maskuar
• Identifikohet bashkëpunëtori i autorit që vrau Behar Sofinë