Ikin emigrantë e fundit, 3800 persona dhe 1200 automjete në 24 orë në Kakavijë

Fundjava e fundit e muajit gusht ka regjistruar një numër më të ulët të largimit të këmbësorëve dhe automjeteve për në Greqi.

Emigrantët e fundit, të cilët kaluan pushimet verore në vendlindje kanë shfrytëzuar fundjavën për t’u kthyer në shtetin grek.

Sipas Policisë Kufitare në Gjirokastër gjatë 24 orëve të fundit në Kakavijë janë përpunuar 7113  shtetas në hyrje – dalje, nga të cilët  3269  në hyrje dhe 3844 në dalje, si dhe 2316  mjete në hyrje – dalje, nga të cilat 1069  në hyrje dhe 1247 në dalje.

Ditën e shtunë në sportelet e kontrollit të dokumenteve nuk janë regjistruar radhë të gjata pritje në të dyja anët e kufirit.

LEXONI GJITHASHTU:

• 1382 automjete në 24 orë në Kakavijë, vijon kthimi i emigrantëve drejt Greqisë
• Fluks i lartë lëvizjeje në Kakavijë, hyjnë rreth 10.000 qytetarë në 24 orë