IKMT aksion kundër ndërtimeve pa leje/ Balla: Paligjshmërisë s’do i shpëtojë askush

Policia e shtetit dhe IKMT, kanë vijuar ditën e dytë të operacioneve kundër ndërtimeve e shtesave pa leje në periferinë lindore të Tiranës, zonë e njohur për ndërtimet luksoze.

Ministri i Brendshëm Taulant Balla, bashkë me publikimin e pamjeve të ndërhyrjeve në rrjetet sociale, deklaron se aksionit kundër paligjshmërisë nuk do t’i shpëtojë askush.

“Kush nuk ka vënë mend nga kjo histori, duhet të kuptojë se nuk ka tolerancë për askënd dhe ne do të rrisim vigjilencën e Policisë së Shtetit dhe agjencive të tjera ligjzbatuese për identifikimin, penalizimin, shembjen apo konfiskimin për interes publik të të gjitha sipërfaqeve në pallate, qendra biznesi, hotele të ndërtuara në shkelje të ligjit”, nënvizon Balla.

Ministri shton se të gjitha katet e konfiskuara do të shkojnë për strehim social apo për mjedise pune për institucionet publike.

LEXONI GJITHASHTU:

• Lapaj i përgjigjet akuzave të Kokalarit: Nuk e konsideroj! Ja ku i gjejmë fondet
• Hamasi: Nuk do të negociojmë për pengjet derisa të mbarojnë luftimet