IKMT vijon shembjet në Librazhd, banorët kundërshtojnë mungesën e kompensimit

Aksioni i IKMT ka vijuar edhe sot në hyrje të qytetit të Librazhdit për shembjen e 22 godinave të bizneseve përgjatë aksit Elbasan-Prrenjas-Qafë Thanë, faza IV.

Banorët kanë kundërshtuar këtë aksion duke pretenduar se kompensimi financiar që u është ofruar është shumë më i ulët sesa vlera reale e pronave dhe investimeve të tyre. Ata u shprehën se objektet i kanë boshatisur që më 17 nëntor 2025, por nuk pranojnë vijimin e procesit pa marrë pagesat e shpronësimit.

Në terren janë të pranishëm edhe disa forca të policisë. Kryekomisarja Nertila Meta tha se kishin mbërritur aty për të mbështetur punonjësit e IKMT-së dhe se kushdo që i pengon në punën e tyre do të procedohet penalisht.