ILD i kërkon KLGJ-së shkarkimin e gjyqtares Enkeleda Hoxha

Inspektoriati i Lartë i Drejtësisë i kërkon Këshillit të Lartë Gjyqësor shkarkimin e gjyqtares Enkeleda Hoxha.

ILD ka njoftuar publikisht kur media raportoi vrasjen më 11 qershor 2020 të Hekuran Billës, detaje mbi gjendjen gjyqësore e lirimin e tij si dhe të disa shtetasve të tjerë, Ilir Paja dhe Indrit Dokle. Vendimet këto që janë marrë nga gjyqtarja e Krujës, Enkelejda Hoxha.

Inspektori i Lartë i Drejtësisë Artur Metani nisi verifikimin e më pas hetimin disiplinor për këtë magjistrate.

Gazetari Eni Ferhati mëson se hetimi ka përfunduar dhe raporti me shkelje të argumentuara disiplinore i është dërguar Këshillit të Lartë të Drejtësisë bashkë me kërkesën për shkarkimin e gjyqtares nga detyra për shkelje të rënda profesionale që diskretitojnë pozitën dhe figurën e gjyqtarit gjatë ushtrimit të detyrës.

“Veprimet dhe sjelljet e magjistrates përbëjnë shkelje disiplinore që kanë sjellë përfitim të padrejtë për palët në një proces gjyqësor në kundërshtim me ligjin. 6 vendime të dhëna prej gjyqtares në harkun kohor nga maj 2017- shkurt 2019, përbëjnë akte që diskreditojnë pozitën dhe figurën e gjyqtarit”, thuhet në shkresë.

Sipas hetimit, shkeljet disiplinore janë konstatuar me dashje direkte e me pasojë lirimin e një të dënuari që përbën rrezik për komunitetin, nxiti akte me natyrë hakmarrje, që rezultoi me ekzekutimin e shtetasit Hekuran Billa. 

Pas gjyqtarit të Korcës Markelian Kuqo që u shkarkua nga KLGJ më 10 dhjetor, Enkelejda Hoxha bëhet magjistrati i dytë për të cilin Inspektori i Lartë i Drejtësisë Artur Metani kërkon shkarkimin, në kuadër të hetimeve për lirimin e parakohshëm të “të fortëve” nga qelitë e burgut.

Lexoni gjithashtu:

KLGJ pranon kërkesën e ILD-së, shkarkohet nga detyra gjyqtari Markelian Kuqo

Ministrja Gjonaj: Shkarkimi i gjykatësit Markelian Kuqo tregon se sistemi i ri funksionon