Importuesi i grurit: Çmimi i miellit do rritet, por paniku po e rrit më shumë

Rritja e çmimit të miellit është e sigurt, për shkak të rritjes së energjisë elektrike, por paniku i njerëzve për të marrë sa më shumë sasi që ta blejnë më lirë, po e shton çmimin edhe më shumë.

Sipas Theodhor Kristulit, kryetar i Unionit Tregtar Agroushqimor, është paniku ai që po sjell abuzim në çmim, por jo prej prodhuesve.

Ai siguroi se ka sasi të mjaftueshme mielli, por nuk mohoi se do të ketë një rritje të çmimit. Kristuli tregoi se vetëm dje janë prodhuar 1800 ton miell nga 8 fabrika, ndërkohë që për konsumin në Shqipëri nevoja është vetëm 700 ton.

Importuesi i grurit u shpreh se që prej janarit ka pasur një rritje të çmimit të energjisë dhe vetëm prej kësaj çmimi i miellit ka pasur rritje me 4-5 lekë. Sipas tij rritja e inflacionit nuk është futur fare te ky çmim, përndryshe do ishte rritur më shumë.

Ndërkohë, 72% e grurit vjen nga Rusia, për këtë arsye Kristuli tha se do të duhet të gjendet një treg i ri.

LEXONI GJITHASHTU:

• Adi Haxhiymeri: Mielli më shtrenjtë prej energjisë, pritet rritja prej bursës