Inagurohet Kolegji Europian/ Mogherini: Do e nisë aktivitetin vitin e ardhshëm

U mbajt këtë të hënë  ceremonia për inagurimin e Kolegjit të Europës, e cila do të ketë Piramidën e Tiranës si qendër të tij, në kuadër të Samitit të Procesit të Berlinit.

Federika Mogherini, rektorja e Kolegjit të Europës, teksa mbajti fjalën e saj, deklaroi se aktivitetet në këtë kolegj do të nisin vitin e ardhshëm dhe se vitin e parë do të presë 31 studentë.

“Po inaugurojmë sot në Tiranën e bukur, zyrën e parë të Kolegjit të Europës këtu në Tiranë, që do të udhëheqë rrugën për ngritjen e degës sonë, që do të nisë aktivitetet shtatorin e ardhshëm 2024-2025. Për mua është vërtet nder, jam shumë krenare, e shihni buzëqeshjen time, është buzëqeshje e vërtetë.

Do të doja së pari të falënderoja të gjithë ata që e bënë të mundur një gjë të tillë, pikë së pari, miqtë, partnerët tanë shqiptarë, Edin, të gjithë qeverinë, kryetarin e Bashkisë, të gjithë miqtë që për pak muaj bënë të gjithë këtë gjë dhe atë që do të vijë. Do doja të falënderoja pa masë institucionet evropiane, Ursulën, shtetet anëtare. E gjitha kjo nisi më pak se një vit më parë, në Samitin BE-Ballkani Perëndimor këtu në Tiranë”,-tha Federika Mogherini.

LEXONI GJITHASHTU:

• Inagurohet Kolegji Europian/ Mogherini: Do e nisë aktivitetin vitin e ardhshëm
• Spitalet në Gaza në kolaps, mjekët japin alarmin: Katastrofë nëse s’lejohen ndihmat