Inceneratorët| Berisha: Do bëj gjithçka që ky popull të ngrihet në protesta

Ish-kryeministri Sali Berisha mbajti këtë të premte një konferencë me gazetarët, ku u ndal tek çështja e inceneratorëve.

Berisha tha në fjalën e tij se opozita do të bëjë gjithçka që populli të ngrihet në protesta të fuqishme në lidhje me aferën e inceneratorëve.

“Duhet të theksoj se është në nderin e kësaj opozite që protestoi kundër Ballkanit të Hapur, një projekti ruso-serb, antishqiptar në radhë të parë. Një projekti që mbolli përçarje në rajon, përçarje të madhe. Atë, siç e dini ju, e kundërshtuam jo vetëm me deklarata, por edhe me protesta.

Fakti që javën e kaluar ishte funerali i tij, edhe opozita ka një pjesë të kësaj merite.

Lidhur me inceneratorët, janë absolutisht një problem kryesor, për të cilin do bëjmë gjithçka për të ngritur protesta të fuqishme.

Nuk është hequr dorë, jo.

Edi Rama nuk erdhi dje në debat, nuk erdhi dje në parlament. Ajo ishte një fyerje për çdo shqiptar, kështu që unë jo që nuk i përjashtoj, por do bëj gjithçka që ky popull të ngrihet në protesta”, tha Berisha.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Berisha: Rama të japë dorëheqjen për arratisjen e numrit 2 të qeverisë
• Berisha-KE-së: Sillni bisedat e telefonave të ministrave në ‘Sky’ dhe ‘Encrochat’