Inceneratori/ Avokati i Bllakos: Ai nuk është zyrtar i lartë, çështja duhet pushuar

Avokati i Alqi Bllakos, Sokol Hazizaj deklaroi se klienti i tij nuk është zyrtar i lartë dhe se duhet pushuar çështja për inceneratorin e Fierit.

Në një deklaratë për mediat pas seancës në GJKKO, Hazizaj u shpreh se ka një dispozitë e  cila është për funksionarë të lartë publikë dhe të zgjedhur dhe një tjetër vetëm për funksionarë.

“Unë vazhdoj të them se akuza sa i përket në themelit të saj në korrupsion nuk ekziston tek Alqi Bllako. Ndonëse gjykata arriti ta artikulonte përgjysmë atë që ne i kemi thënë. Ne do të vazhdojmë t’i mëshojmë faktit për të artikuluar atë që nuk ka ndodhur me Alqi Bllakon.

Ndaj për këtë çështja penale ndaj Alqi Bllakos duhet pushuar. Është një dispozitë, është për funksionarë të lartë publikë dhe të zgjedhur, tjetra vetëm për funksionarë. Unë e kam thënë se nuk është funksionar i lartë publikë asnjëherë. Është detyrë e gjykatës së Themelit për miratimin ose jo të gjykimit apo rritjes së gjykimit të shkurtuar”, theksoi ai.