Incidentet me Albana Vokshin dhe Flamur Nokën në Vorë, kreu i SPAK: Pse nuk ndërhymë

Gjatë raportimit të punës së SPAK për vitin 2024, kreu i institucionit, Altin Dumani, u pyet nga deputeti demokrat Flamur Noka lidhur me incidentet që përfshinin përfaqësuesit e Partisë Demokratike në qendrat e votimit në zonën e Vorës.

Deputeti Noka kërkoi të dinte pse SPAK nuk kishte ndërhyrë pas përplasjeve verbale midis Albana Vokshit dhe vetë Nokës me disa personave para qendrave të votimit në Vorë.

Në përgjigje, Dumani u shpreh:

“Ne u morëm me çështjen, por pamë se nuk ishte në kompetencën e SPAK-ut të ndërhynte kur një deputet kërcënohet ose dhunohet nga dikush. Nuk ishte kompetencë e jonë. Deputeti ishte subjekt i posaçëm, por jo dhuna që ushtrohet ndaj një deputeti. Ne kemi njoftuar Prokurorinë e Tiranës dhe i kemi kërkuar të përfshihet në ndjekjen e rastit, por nuk do të thotë se e mbyllëm veshët. E adresuam aty ku duhej adresuar. Kjo i takonte Prokurorisë së Tiranës.”

LEXONI GJITHASHTU:

• “Më kërcënuan mua dhe vajzën”, Albana Vokshi përlotet në Këshillin e Europës
• Përplasja në Vorë, procedohet penalisht Flamur Noka