Incidenti në zyrën e PS pranë shkollës “Petro Nini”, policia shoqëron 3 persona

Policia ka shoqëruar 3 persona lidhur me incidentin e shënuar pak para orës 19:00 në një ambient vetëm pak metra larg shkollës Petro Nini ku ndodhen disa eksponentë të lartë të PS, përfshirë deputetin Erion Braçe.

Belind Këlliçi, një nga përfaqësuesit e PD që është futur brenda kësaj zyre tha se bëhet fjalë për një rast flagrant të shkeljes së ligjit dhe se opozita kishte informacion se brenda kësaj zyre po bliheshin vota.

Përfaqësues të Aleancës për Shqipërinë Madhështore si Adriana Kalaja, Tedi Blushi e të tjerë kërkuan ndërhyrjen e policisë pasi kishin shprehur dyshimet se brenda kësaj zyre ndodhen eksponentë të Partisë Socialiste mes të cilëve Erion Braçe dhe janë me lista dhe sende të dyshimta.

LEXONI GJITHASHTU:

• De Biasi voton në Shqipëri: Ushtroni të drejtën që ju jep demokracia
• Fredi Beleri voton si eurodeputet në Himarë: Zgjedhjet janë festë e demokracisë