Ministria e Punëve të Brendshme e Maqedonisë së Veriut ka njoftuar se ka paraqitur kallëzim penal kundër shefit të sigurimit të kryetarit të Kuvendit, Afrim Gashi në lidhje me incidentit në të cilin u përfshi presidentja e Kosovës Vjosa Osmani të enjtën në Aeroportin e Shkupit.

Ai është pezulluar nga puna dhe akuzohet për dy vepra penale “Rrezikimi të sigurisë”, “Parandalimi i zyrtarit nga kryerja e një vepre zyrtare”.

Sipas Ministrisë së Punëve të Brendshme të Maqedonisë së Veriut, ai kishte hyrë i armatosur në aeroportin e Shkupit dhe e kishte kërcënuar një punonjës.

Ish-shefi i sigurimit u dërgua në Aeroportin Ndërkombëtar të Shkupit nga kryetari i Kuvendit për të tejkaluar keqkuptimin që ka lindur me Presidentin e Kosovës lidhur me procedurat e sigurisë për kontrollin e bagazheve dhe pajisjeve elektronike gjatë fluturimit.

Kryeministri maqedonas u shpreh se askush nuk do të jetë mbi ligjin dhe do të ketë përgjegjësi penale për veprimet e kryera.

Për cenim të sigurisë i dyshuari rrezikon deri në 6 muaj burg ose gjobë, ndërsa për pengim të personit zyrtarë rrezikon dënim me burg nga 1 deri në 3 vjet.

LEXONI GJITHASHTU:

• Skandali me Osmanin në Shkup, Mickoski: Herën tjetër do ta mirëpres personalisht
• Kurti vizitë në Shkup pas incidentit ku u përfshi Presidentja Vjosa Osmani