Incidenti në fund të protestës, Balliu: Donim të jepnim një mesazh duke ndezur qiri

Shefi Organizativ në Partinë Demokratike, Klevis Balliu ka komentuar incidentin që ndodhi në fund të protestës së opozitës para Kryeministrisë.

Në emisionin “Review” në Euronews Albania, Balliu u shpreh se protestuesit donin të jepnin mesazh duke ndezur qirinj në shkallët e Kryeministrisë, në nder të personave që kanë humbur jetën nga institucionet e Policisë së Shtetit.

“Është shoqëruar vetëm një person, i cili është lënë i lirë tani dhe po shoqërohet në banesën e tij. Ajo që ka rëndësi, është farë normale që në situatën aktuale ku jemi sot, ajo protestë nuk mund të përmbyllej një mesazh mbarëkombëtar, që qytetarët shqiptarë të vdesin nga institucionet e Policisë së Shtetit. Qytetarët kërkuan të vendosnin qiri, nuk po lejohej, por nuk do na ndalonin as dy mijë kordone policie”, theksoi ai.

Pas më shumë se dy orësh, përfundoi protesta kombëtare e opozitës. Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Të dy liderët, hodhën akuza në drejtim të kryeministrit Edi Rama, për shpopullimin e vendit, situatën ekonomike dhe korrupsionin.

Protesta, pas përfundimit të saj, u shoqërua me incidente. Gjithçka filloi pasi Berisha mbaroi fjalën e tij dhe protestuesve iu bë thirrje për të ndezur qirinj në shkallët e Kryeministrisë, në nder të personave që kanë humbur jetën në përplasjet me policinë.

Protestuesit çanë kordonin e policisë dhe hynë në oborrin e Kryeministrisë, ku hodhën bojë në dyert dhe dritaret e godinës.

LEXONI GJITHASHTU

• “Shqiptarët kanë halle”, Toni Gogu tregon lëvizjet e Ramës

• Agim Baçi: Ramën e trembin vetëm protestat e qytetarëve, jo ato politike
• “Beogradi organizon protesta në Shqipëri”, Ngjela: Ndodhin kur ka tensione në veri