Indrit Sefa i PD-së fton në debat 2 kandidatët e tjerë për Lushnjën

Kandidati i PD për Bashkinë e Lushnjës Indrit Sefa ka ftuar për debat publik dy kandidatët e tjerë për këtë bashki, Eriselda Sefën nga PS dhe Elton Banon nga “Shtëpia e Lirisë”.

Në një deklaratë për mediat, Sefa nënvizoi se nëpërmjet debatit kandidatët do mund t’i tregojnë votuesve se kush ka planin më të mirë.

“Përmes këtij debati ne kemi shansin që të tregojmë votuesve kush ka planin më të mirë, konkret dhe më realizueshëm për qytetarët tanë. Le ta nisim këtë fushatë si kurrë më parë duke pranuar që ne debatojmë për Lushnjën dhe të mirën e lushnjarëve”, u shpreh ai.

Këtë të shtunë nisi fushata për zgjedhjet e pjesshme vendore të 6 marsit në 6 bashkitë e vendit. Në garë janë 18 kandaditë.

Presidenti Meta bëri thirrje për pjesëmarrje në këto zgjedhje.