“Infermierët erdhën pa barelë”, dëshmia e tragjedisë në Kavajë: I ndihmuan pushuesit

Një ngjarje e rëndë ka ndodhur këtë të diel në plazhin Vilë-Bashtovë të Kavajës ku humbën jetën tre anëtarë të një familje nga Tirana.

Babai 50-vjeçar Elvis Halilaj së bashku me dy fëmijët e mitur përkatësisht të moshave 15 dhe 13 vjeç, kanë gjetur vdekjen ndërsa po laheshin në det.

Njëri nga dëshmitarët në vendin e ngjarjes tregoi për gazetaren e Euronews Albania, Sara Demushi se viktimat u nxorën në breg nga pushuesit të cilët u përpoqën edhe të jepnin ndihmën e parë.

Ai u shpreh se ambulanca u vonua rreth 40 minuta dhe kur erdhi, infermierët nuk ishin të pajisur me barelë për t’i transportuar.

“Ndihma e parë e shpejtë po i jepej nga një djalë te lokali, nuk kishte, as polici asgjë. Vetëm njerëz të rastit kanë ndërhyrë për t’u ardhur në ndihmë, punonjës shteti asnjë. Infermierët erdhën pa barelë, u  detyruam t’i merrnim në krah. Madje, ndihma e parë iu dha tek barishtet. Babai doli pa shenja jete, djemtë kishin më shumë gjasa të jetonin”, tregoi ai.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• “Ambulanca u vonua”| Tragjedia me 3 viktima në Kavajë, reagon kreu i Urgjencës
• Tragjedi në Kavajë, mbyten në det babai dhe dy djemtë e tij të mitur