Instagrami vendos rregulla të reja për përdoruesit nën 16 vjeç

Kompania Meta njoftoi sot se përdoruesit e Instagramit nën moshën 16 vjeç nuk do të jenë më në gjendje të transmetojnë drejtpërdrejt ose të shikojnë imazhe të paqarta të nudos të marra përmes mesazheve direkte pa miratimin e prindërve.

Masat e reja fillimisht do të zbatohen për përdoruesit në SHBA, Britaninë e Madhe, Kanada dhe Australi, dhe më pas në muajt në vijim do të zbatohen për përdoruesit në mbarë botën, raportoi AP.

Fëmijët nën 16 vjeç do të bllokohen gjithashtu nga përdorimi i Instagram Live, përveç nëse prindërit e tyre e miratojnë.

Në të njëjtën kohë, kompania Meta njoftoi se po prezanton masa mbrojtëse për përdoruesit e platformave të saj Facebook dhe Messenger që janë nën 18 vjeç.

Këto masa përfshijnë bllokimin e mesazheve private nga persona të panjohur, kufizimin e rreptë të përmbajtjeve të ndjeshme si mesazhet video me skena dhune dhe pezullimin e njoftimeve gjatë orëve të natës.

“Llogaritë e adoleshentëve në Facebook dhe Messenger do të kenë mbrojtje automatike nga përmbajtjet dhe kontaktet e padëshiruara dhe të papërshtatshme, si dhe opsione që sigurojnë që të rinjtë ta kalojnë kohën në mënyrë të mirë”, tha Meta.

Kompania nisi programin e saj të hapjes së llogarive për adoleshentët në Instagram në shtator të vitit të kaluar, për t’u ofruar prindërve më shumë mundësi për të kontrolluar aktivitetet e fëmijëve të tyre në internet.

LEXONI GJITHASHTU:

• “Koncesioni i skanimit në dogana, më i gabuari”, Rama: Pse nuk e kemi hequr
• Shitën vepra arti të trafikuara nga Greqia, dalin para Gjykatës së Fierit 2 persona