Interes nga Italia për Zhegrovën: Juventus më i avantazhuar, në garë dhe Roma

Kontrata e tij me Lille vlen deri më 2026, por performancat e Edon Zhegrovës bëjnë që ekipet e ndryshme në Evropë të mos hezitojnë të shfaqin interes për të. Ylli mëngjarash i përfaqësueses dardane është në podium sa i përket lojtarëve shqiptarë në merkaton e transferimeve, e së fundmi flitet për një interes nga Serie A. Konkretisht janë Juventus dhe Roma të cilat ndjekin nga afër lojtarin, e me gjasa do t’i thellojnë bisedimet, me shpresën për ta afruar në një prej merkatove të ardhshme.

Më të avantazhuar janë bardhezinjtë e Motta-s, me këtë të fundit që ka rinovuar thuajse gjithë ekipin, e pavarësisht se Conceicao është një sulmues që ka bërë mirë në të njëjtin pozicion, ardhja e Zhegrovës nuk do të ishte problem. Në anën tjetër, Roma ka më tepër probleme, por me një trajner me shumë eksperiencë si Ranieri, synon të ndryshojë fatin, por pak gjasa ka që diçka e bukur të ndodhë këtë vit.

Sipas Transfermarkt, Edon Zhegrova vlen 25 milionë euro, shumë e përballueshme nga të dyja skuadrat, teksa mbetet për t’u parë në vijim se sa serioz është interesi i tyre.

LEXONI GJITHASHTU:

• Zhegrova te Reali? Kostoja 25 milionë euro, detajet…
• U përjashtua nga përfaqësuesja e Kosovës, Zhegrova thyen heshtjen