Interes nga Spanja për Asllanin, situatë e paqartë te Inter për të

Paraqitjet e tij në Kupën e Botës për Klube ishin pozitive, ndaj disa skuadra në Evropë kanë nën survejim mesfushorin Kristjan Asllani. Shqiptari po kalon një formë shumë të mirë me zikaltrit, ndërsa u duk se e kishte bindur trajnerin Christian Chivu, por ky i fundit është i pavendosur se çfarë do të bëjë me të.

Në këtë pikë, mesfushori 23-vjeçar është i hapur për aventura të reja, e lajme pozitive vijnë nga Spanja. Real Betis është një ndër skuadrat e interesuara për të siguruar shërbimet e tij, ndërsa sic raporton Sky Sport, gjërat janë më serioze nga çduken. Ditët në vijim pritet që drejtuesit spanjollë të ndërmarrin hapa konkretë për të bindur lojtarin, por ky i fundit është në pritje të zikaltërve.

Këta të fundit e kanë vendosur në shitje Asllanin në periudhën kur ekipin e drejtonte Simone Inzaghi, por me ardhjen e Chivu duket sikur situata ndryshoi. Trajneri i ri e aktivizoi shqiptarin në botërorin e klubeve, madje performanca ishte e kënaqshme nga ana e Asllanit, por duket se sërish Chivu nuk është bindur. Situata jo vetëm me Asllanin, por dhe me pjesën tjetër është e paqartë, pasi është përfolur dhe për largimin e Calhanoglu, Dumfries apo Thuram.

LEXONI GJITHASHTU:

• Bolonja këmbëngul për Asllanin, Interi mendon shkëmbimin shqiptaro-argjentinas
• Ndeshja me Anglinë, Asllani: Te Interi tallen, thonë se Shqipëria do pësojë 6-7 gola