Invalidë pa të drejta, çiftit nga Korça i mohohet kempi

Në ditën ndërkombëtare të Shkopit të Bardhë, një grup i personave të verbër paqësisht kanë qenë para bashkisë së Korçës, në formë simbolike për të kërkuar respektimin e të drejtave të tyre.

Disa prej tyre tregojnë problemet që ky grup ka.

“Infrastruktura është përtokë nuk është fare për të verbrit. Pagesa është shumë e ulët”, u shpreh një tjetër.

Lufti dhe Liljana Agolli janë një çift invalidësh, edhe pse zonjës Liljana shteti nuk ka pranuar t’i njohë të drejtën e invaliditetit, pavarësisht gjendjes së saj.

“Mua nuk ma dhanë, nuk të takon thanë edhe pse e kam kështu, kam shkuar në kempi e nuk ma dhanë. Me pension rrojmë me 114 mijë lekë. Nuk dalin gjallë në botë. Ky është invalid 72 vjet, invalid nga zemra, anemia dhe nuk dalin. Me të keq ja bëjmë”, u shpreh Liljana Agoni.

Në qytetin e Korçës janë rreth 140 të verbër ndërkohë që pagesa që ata marrin varion nga 11.000 lek deri në 14.000 lek te reja, pagesë kjo e cila sipas tyre e bën të papërballueshme jetesën.

LEXONI GJITHASHTU:

• Rrugët pa sinjalistikë për të verbrit, mbi 13 mijë persona nuk shohin në vend
• Artan Shkëmbi mbetet i pezulluar, Gjykata e Lartë refuzon kthimin në detyrë
• Gjykata e Tiranës i heq masën e sigurimit “pezullim nga detyra” Artan Shkëmbit