Irani dhe Iraku nënshkruan 14 marrëveshje dypalëshe bashkëpunimi të mërkurën gjatë vizitës së presidentit iranian Masoud Pezeshkian në Irak.

Duke folur në një konferencë të përbashkët shtypi me kryeministrin irakian Mohammed Shia al-Sudani, Pezeshkian tha se marrëveshjet “shënojnë fillimin e bashkëpunimit të zgjeruar” midis dy vendeve fqinje.

Presidenti iranian tha se ai dhe kryeministri irakian ranë dakord të formojnë një komitet ekspertësh dhe të zhvillojnë plane strategjike afatgjata që do të rrisin bashkëpunimin midis Teheranit dhe Bagdadit.

Ai theksoi rëndësinë e zbatimit të marrëveshjeve të bashkëpunimit të sigurisë ndërmjet dy kombeve “për të luftuar terrorizmin”, duke u fokusuar veçanërisht në luftën kundër grupit terrorist DAESH/ISIS dhe përpjekjet për të frenuar kontrabandën ndërkufitare.

Nga ana e tij, Sudani theksoi se marrëveshjet e nënshkruara të mërkurën, së bashku me marrëveshjet e mëparshme, do të “shërbyen si një udhërrëfyes për zhvillimin e marrëdhënieve” midis dy kombeve.

LEXONI GJITHASHTU:

• Ushtria amerikane vret 15 anëtarë të IS-it në Irak
• Irani zotohet për përgjigje “proporcionale” pas sanksioneve nga SHBA