Irani lëshon një valë të re raketash drejt Izraelit

Irani ka lëshuar një valë të re raketash drejt Izraelit, ndërsa sistemet e mbrojtjes ajrore izraelite janë aktivizuar për të përballuar kërcënimin.

Sipas njoftimit të Forcave Mbrojtëse të Izraelit (IDF), raketat janë identifikuar mëngjesin e sotëm dhe sistemet mbrojtëse të vendit janë vënë menjëherë në funksion për t’i kapur ato.

Në një deklaratë të publikuar në kanalin zyrtar në Telegram, IDF thekson se forcat izraelite janë duke punuar për të “neutralizuar kërcënimin”.

Autoritetet izraelite u kanë bërë gjithashtu thirrje qytetarëve të ndjekin udhëzimet e sigurisë.

“Publikut i kërkohet të veprojë me përgjegjësi dhe të ndjekë udhëzimet – ato shpëtojnë jetë”, thuhet në deklaratën e IDF-së.