Ironizon Gjiknuri: Revolucioni i Berishës u shfry si tullumbace në selinë e PS-së

Sekretari i Partisë Socialiste, Damian Gjiknuri, ka reaguar në lidhje me protestën e opozitës të mbajtur në bulevardin Dëshmorët e Kombit këtë të shtunë.

Përmes një postimi në Twitter, Gjiknuri shkruan se revolucioni Meta-Berisha nisi i dëshpëruar në bulevard dhe u shfry si tullumbace në oborrin e PS-së.

“Revolucioni” Berisha-Meta siç nisi i dëshpëruar nga bulevardi, u shfry si tullumbace në oborrin e Partisë Socialiste!”, shkruan Gjiknuri në Twitter.

Një përgjigje kjo ana e PS-së edhe për deklaratën e dhënë nga Berisha në ambientet e jashtme të selisë rozë.

Kujtojmë se Berisha në fjalën e tij jashtë selisë së PS-së tha: “Mesazh miqësor për të gjithë socialistët e ndershëm dhe i siguroj se aq sa kanë respekt për lirinë dhe votën e tjetrit, aq ka Sali Berisha për ta. Jam këtu për t’iu them se kjo ndërtesë është kthyer në simbolin e së keqes nga Edi Rama, i cili me krimin dhe aktet e tij u ka shkaktuar shqipatërve dramën më të madhe të historisë së vendit. Që nga viti 2014 e deri sot janë larguar 970 mijë persona.

Erdha këtu t’iu them se Rama në piramidën e krimit dhe të drogës nuk është i vetëm, ai që kryeson grupin paralamentar të Rilindjes është një trafikant i shpifur, është një njeri që merrej në Rumani për t’i nxjerrë viza prostitutave rumune. Çfarë i lidh socialistët me ta, ata nuk mbtojnë interesat e tyre, por intersat e trafikantëve”, tha Berisha.

Kryefaqja

Shiko në:

Lajme të Sugjeruara

Aktualitet | Lajm kryesor | Lajmi i fundit | Vendi

Vrasja e Martin Canit, Apeli lë në fuqi dënimin me 16 vite burg për Mario Përlleshajn

Gjykata e Apelit të Juridiksionit të Përgjithshëm ka lënë në fuqi vendimin e Gjykatës së Tiranës, duke dënuar me 16 vite burg Mario Përlleshajn për...

12:28 | 15/07/2026

Aktualitet | Lajmi i fundit | Vendi

Kontrolle për ndotjen akustike në Shkodër dhe Velipojë, policia monitoron lokalet me muzikë

Edhe Policia e Shkodrës, ashtu si kolegët e saj në bregdetin e Durrësit dhe Vlorës krahas zbatimit të planit të masave për garantimin e sigurisë...

11:57 | 15/07/2026

Aktualitet | Lajmi i fundit | Politikë | Vendi

SPAK hap garën për 40 hetues të rinj në BKH, Braho: Jemi në fazën përfundimtare

Kreu i SPAK, Klodjan Braho, bëri të ditur se Prokuroria e Posaçme ndodhet në fazën përfundimtare të përgatitjeve për hapjen e thirrjes për 40 hetues...

11:38 | 15/07/2026