Ish-asistentja e De Niro fiton gjyqin, kompania e aktorit do paguajë miliona dollarë

Kompania e prodhimit të Robert de Niro, Canal Productions, është fajtore për diskriminim gjinor dhe ngacmim në vendin e punës dhe duhet t’i paguajë gati 1.3 milionë dollarë dëmshpërblim ish-asistentes së yllit të Hollivudit, vendosi një juri e Nju Jorkut pas një gjyqi 2-javor.

Sipas jurisë, Robert De Niro nuk është personalisht përgjegjës, raporton Guardian.

Ish-asistentja e aktorit dhe regjisorit të famshëm, Graham Chase Robinson, akuzoi de Niron për ngacmim në vendin e punës midis 2008 dhe 2019, kur ajo dha dorëheqjen.

Ajo kërkoi 12 milionë dollarë dëmshpërblim për shqetësimin emocional dhe dëmtimin e reputacionit, duke pretenduar se humbi punën dhe nuk ishte në gjendje të shërohej nga trauma që përjetoi.

Pas disa orësh diskutimi, juria vendosi që kompania e prodhimit të Robert De Niro ishte përgjegjëse për këtë situatë dhe e urdhëroi atë të paguante 1.264 milionë dëmshpërblim Robinson.

LEXONI GJITHASHTU:

• “Nuk e di si do jetoj pa ty”| Ndërron jetë nipi 19-vjeçar i Robert De Niro
• Reagimi epik i De Niro kur mësoi se Al Pacino do bëhet baba në moshën 83-vjeçare