Ish-drejtori i Përgjithshëm i Burgjeve paraqitet sërish në SPAK

Agim Ismaili, ish-drejtori i Burgjeve, është paraqitur sërish këtë të martë në SPAK.

Ai është hetuar në lidhje me dosjen e hakerimit të email-eve të prokurorëve të SPAK-ut ndërsa ditën e sotme po i komunikohet mbyllja e hetimeve. Më parë, mbyllja e hetimeve i është komunikuar edhe dy të arrestuarve, Arnold Rrokaj dhe Zambak Gjoni.

Ndaj Ismailit u zhvilluan hetime për veprat penale “përgjimi i paligjshëm i të dhënave kompjuterike”, “grupi i strukturuar kriminal” dhe “kryerja e veprave penale nga organizata kriminale dhe grupi i strukturuar kriminal”.

SPAK më 12 mars ishte në shënjestër të një ndërhyrje të paligjshme të adresave të email-eve të prokurorëve të posaçëm. Nga kjo ngjarje nuk u arrit të ndërhyhej në sistemin e brendshëm të SPAK.

LEXONI GJITHASHTU:

• SPAK merr të pandehur ish-drejtorin e Burgjeve, Agim Ismaili
• Pamje/ Ish-drejtori i përgjithshëm i burgjeve Agim Ismaili paraqitet në SPAK