Ish-Këshilltari i Biden: Mosdhënia e armëve Izraelit, qëndrim që do ta mbështesja

28 Gusht 2025 | 10:44

Ish-Këshilltari i Sigurisë Kombëtare, Jake Sullivan, ka shprehur mbështetje për kufizimin e shitjeve të armëve në Izrael, duke e cilësuar këtë qëndrim si “plotësisht të besueshëm”.

Sullivan zbuloi se i kishte informuar ligjvënësit demokratë për qëndrimin e tij pas shpërthimit të dhunës në Gaza dhe prishjes së armëpushimit në mars të vitit 2025.

Gjatë një intervistë në podcastin The Bulwark, ai tha se kishte këshilluar anëtarët e Kongresit të shqyrtonin rezolutat për të ndaluar transferimin e armëve në Izrael, duke theksuar se situata e pas-armëpushimit kërkonte një veprim të tillë. Komentet e tij i referoheshin rezolutave të paraqitura nga senatori Bernie Sanders, të cilat synonin bllokimin e transfertave të caktuara të armëve për Izraelin.

“Në fakt, u kam thënë një numri anëtarësh që po mendonin për votimet mbi këto rezoluta se situata siç është sot, pas prishjes së armëpushimit në mars, do të thotë që një votim për të mos i dhënë armë Izraelit është një qëndrim plotësisht i besueshëm. Ky është një qëndrim që unë do ta mbështesja”, tha Sullivan.

Pavarësisht se masat e propozuara nuk kaluan në Senat, më shumë se gjysma e senatorëve demokratë mbështetën një nga ato rezoluta, me 27 senatorë që votuan pro, për shkak të shqetësimeve mbi operacionet ushtarake të Izraelit në Gaza.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Rusia sërish kundër Evropës, Zakharova: Vendet evropiane po pengojnë arritjen e paqes në Ukrainë

Zëdhënësja e Ministrisë së Jashtme të Rusisë, Maria Zakharova, deklaroi se vendet evropiane po kontribuojnë në vazhdimin e konfliktit në Ukrainë përmes ndihmës së tyre...
15:50 | 25/06/2026

Rubio: Vendet e Gjirit kundër tarifave në Hormuz

Sekretari i Shtetit i SHBA-së, Marco Rubio, deklaroi të enjten në Bahrein se vendet e Gjirit nuk mbështesin vendosjen e asnjë takse apo tarife për...
15:43 | 25/06/2026

Franca, Spanja dhe Holanda dërgojnë ekipe kërkim-shpëtimi në Venezuelë

Presidenti francez, Emmanuel Macron tha se një ekip prej 85 specialistësh francezë në operacionet e kërkim-shpëtimit po dërgohet menjëherë në Venezuelë. Macron foli me presidenten...
14:25 | 25/06/2026